1750 Et de l'aumosniere congié. 556
Biax fix, encor vos veil dire el,
Que en chemin ne en hostel
N'aiez longuement compaignon
Que vos ne demandez son non; 560
Et ce sachiez a la parsome,
Par le sornon connoist on l'ome.
Biax fix, as preudomes parlez
Et lor compaignie tenez; 564
Preudom ne forconseille mie
1760 Ciax qui tienent sa compaignie.
Sor tote rien vos weil proier
Que a l'eglise et al mostier 568
Alez proier nostre Seignor
Qu'en cest siecle vos doinst honor,
Et si vos laist si contenir
3c Qu'a bone fin puissiez venir." 572
&emdash;"Mere, fait il, que est eglise?"
&emdash;"Fix, ou l'en fait le Dieu servise,
Celui qui ciel et terre fist
1770 Et homes et femes i mist." 576
&emdash;"Et mostiers, coi?"&emdash;"Fix, ce meïsme:
Une maison bele et saintisme
Ou il a cors sains et tresors,
Si i sacrefion le cors 580
Jhesucrist, le prophete sainte
Cui juïf fisent honte mainte.
Traïs fu et jugiez a tort,
Et soffri angoisse de mort 584
Por les homes et por les fames,
1780 Qu'en infer aloient les ames
Quant elcs partoient des cors,
Et il les en regeta fors. 588
Si fu a l'estache liiez,
Batus et puis crucefiiez,
Et porta corones d'espines.
Por oïr messes et matines 592
Et por cel Seignor aorer
Vos lo jou al mostier aler." 594
Atant n'i ot plus de demore; 599
Congié prent, et la mere plore, 600
Et sa sele li fu ja mise.
A la maniere et a la guise
De Gales fu appareilliez;
Uns revelins ot en ses piez, 604
Et par tout la ou il aloit,
1800 Trois gavelos porter soloit.
Ses gavelos en velt porter,
Mais deus en fist sa mere oster 608
Por che que trop samblast Galois;
Si eust ele fait toz trois
Molt volentiers, s'il peust estre.
Une roorte en sa main destre 612
Porta por son cheval ferir.
Plorant le baise au departir
La mere qui molt chier l'avoit,
1810 Et prie Dieu que il l'avoit. 616
"Biax fix, fait ele, Dix vos maint!
Joie plus qu'il ne m'en remaint
3d Vos doinst il ou que vos ailliez."
Quant li vallés fu eslongiez 620
Le get d'une pierre menue,
Si se regarde et voit cheue
Sa mere al pié del pont arriere,
Et jut pasmee en tel maniere 624
Com s'ele fust cheue morte.
1820 Et cil cingle de le roorte
Son chaceor parmi la croupe,
Et il s'en va, que pas n'açoupe, 628
Ains l'en porte grant aleure
Parmi le grant forest oscure;
Et chevalcha des le matin
Tant que li jors vint a declin. 632
En la forest cele nuit jut
Tant que li clers jors aparut.
Au main au chant des oiselés
1830 Se lieve et monte li vallés, 636
S'a a cheminer entendu
Tant que il vit un tref tendu
En une praerie bele
Les le rieu d'une fontenele. 640
Li tres fu biax a grant merveille:
L'une partie fu vermeille
Et l'autre fu d'orfrois brodee,
Desus ot une aigle doree. 644
En l'aigle feroit li solaus
1840 Qui molt estoit clers et vermaus,
Si reluisoient tout li pre
De l'enluminement del tre. 648
Entor le tref a la roonde,
Qui estoit li plus biax del monde,
Avoit ramees et foillies
Et loges galesches drechies. 652
Li vallés vers le tref ala,
Et dist ains que il venist la:
"Diex, or voi je vostre maison.
1850 Or feroie jou mesprison, 656
Se aorer ne vos aloie.
Voir dist ma mere tote voie
Qui me dist que mostiers estoit
La plus bele chose qui soit, 660
Et me dist que ja ne trovaisse
3e Mostier qu'aorer n'i alaisse
Le Creator en cui je croi.
Je li irai priier par foi 664
Qu'il me doinst anqui a mengier,
1860 Que j'en aroie grant mestier."
Lors vient au tref, sel trove overt,
Enmi le tref un lit covert 668
D'une colte de paile voit;
El lit toute seule gisoit
Une pucelete endormie.
El bos estoit sa compaignie, 672
Alees erent ses puceles
Por coillir floretes noveles
Que par le trefjonchier voloient,
1870 Ensi com faire le soloient. 676
Quant li vallés en tref entra,
Ses chevax si fort s'esproha
Que la damoisele l'oï,
Si s'esveilla et tressali. 680
Et li vallés, qui niches fu,
Dist: "Pucele, je vos salu,
Si com ma mere le m'aprist.
Ma mere m'ensaigna et dist 684
Que les puceles saluaisse
1880 En quel que liu que jes trovaisse."
La pucele de paor tramble
Por le vallet qi fols li samble, 688
Si se tient por lole provee
De che qu'il l'a sole trovee.
"Vallet, fait ele, tien ta voie.
Fui! que mes amis ne te voie." 692
&emdash;"Ains vos baiserai, par mon chief,
Fait li vallés, cui qu'il soit grief,
Que ma mere le m'ensaigna."
1890 &emdash;"Je voir ne te baiserai ja, 696
Fait la pucele, que je puisse.
Fui! que mes amis ne te truisse;
Que s'il te trove, tu es mors."
Li vallés avoit les bras fors, 700
Si l'embracha molt nichement,
Car il nel sot faire autrement.
Mist le soz lui tote estendue,
Et cele s'est molt desfendue 704
3f Et gandilla quanqu'ele pot;
1900 Mais desfense mestier n'i ot,
Que li vallés en un randon
Le baisa, volsist ele ou non, 708
Set fois, si com li contes dit,
Tant c'un anel en son doit vit
A une esmeraude molt clere.
"Encor me dist, fait il, ma mere 712
Qu'en vostre doit l'anel presisse,
Ne que rien plus ne vos fesisse.
Or cha l'anel! jel weil avoir."
1910 &emdash;"Mon anel n'aras tu ja voir, 716
Fait la pucele, bien le saches,
S'a force del doit nel m'esraches."
Li vallés par le poing le prent,
A force le doit li estent, 720
Si a l'anel en son doit pris
Et en son doit meïsme mis,
Et dist: "Pucele, bien aiez.
Or m'en irai je bien paiez, 724
Et molt meillor baisier vos fait
1920 Que chamberiere que il ait
En toute la maison ma mere,
Car n'avez pas la bouche amere." 728
Et cele pleure et dist: "Vallet,
N'en porte pas mon anelet,
Que j'en seroie malbaillie
Et tu en perdroies la vie, 732
Que qu'il tardast, jel te promet."
Li vallés a son cuer ne met
Rien nule de che que il ot,
1930 Mais de che que jeuné ot 736
Moroit de fain a male fin.
Un bouchel trove plain de vin
Et un hanap d'argent selonc,
Et voit sor un trossel de jonc 740
Une toaille blanche et noeve.
Il le sozlieve et desoz trove
Trois bons pastez de chievrol fres,
Ne li anuie pas cis mes. 744
Por le fain qui forment l'angoisse,
1940 Un des pastez devant lui froisse
Et mengue par grant talent,
4a Et verse en la colpe d'argent 748
Del vin qui n'estoit mie lais,
S'en boit sovent et a grans trais,
Et dist: "Pucele, cist pasté
N'estroient hui par moi gasté. 752
Venez mengier, qu'il sont molt buen,
Assez avra chascuns del suen,
S'en i remandra uns entiers."
1950 Et cele pleure endementiers, 756
Que que cil li prie et semont,
C'onques un mot ne li respont
La damoisele, ains pleure fort;
Molt durement ses poins detort. 760
Et cil menga tant com lui plot
Et but tant que assez en ot
Et prist congié tot maintenant, 764
Si recovri le remanant. 763
Puis comanda a Dieu celi
Cui ses salus point n'abeli:
"Diex vos salt, fait il, bele amie,
1960 Mais por Dieu ne vos poist il mie 768
De vostre anel, se je l'en port,
Car ains que je muire de mort,
Le vos guerredonerai gié.
Je m'en vois a vostre congié." 772
Et cele pleure et dist que ja
A Dieu ne le comandera,
Back to my Home Page
NextPage