81 O filz, qui erent mes granz ereditez,
Mes larges terres dunt jo avele asez,
Mes granz paleis de Rome la citêt?
Ed enpur tei m'en esteie penét,
Puis mun decés en fusses enorét. 405
82 Blanc ai le chef e le barbe ai caouthe;
Ma grant honur t'aveie retenude
Ed aupur tei, mais n'en aveies cure.
Si grant dolur or m'est apar[e]ude !
Filz, la tue aname el ciel seit absoluthe ! 410
83 Tei cuvenist helme e brunie a porter,
Espede ceindra cume tui altre per;
E grant maisnede douses guverner,
Le gunfanun l'emperedur porter,
Cum fist tis pedre e li tons parentez. 415
84 A tel dolur ed a si grant poverte,
Filz, t'ies deduit par alienes terres I
E d'icel[s] bien[s] ki toen dous[sen]t estra,
Que n'am perneies en ta povre herberge ?
Se Deu ploust, sire en dousses estra'. 420
85 De la dolur qu'en demenat li pedra
Grant fut la noise, si l'antendit la medre:
La vint curant cum femme forsenede,
Batant ses palmes, criant, eschevelede;
Vit mort sum filz, a terre chet pasmede. 425
86 Chi dunt li vit sun grant dol demener,
Sum piz debatre e sun cors dejeter,
Ses crins derumpre e sen vis maiseler,
Sun mort amfant detraire ed acoler,
Mult fust il dur ki n'estoust plurer. 430
87 Trait ses chevels e debat sa peitrine,
A grant duel met la sue carn medisme:
'E filz', dist ele, 'cum m'ous enhadithe !
E jo, dolente, cum par fai avoglie !
Net cunuisseie plus qu'unches net vedisse'. 435
88 Plurent si oil e si jetet granz criz;
Sempres regret[et]: 'Mar te portai, bels filz !
E de ta medra que n'aveies mercit?
Pur quem vedeies desirrer a murir,
Ço'st grant merveile que pietét ne t'en prist. 440
89 A! lasse, mezre, cum oi fort aventure!
Or vei jo morte tute ma portelire.
Ma lunga al ente a grant duel est venude.
Pur quei[t] portai, dolente, malfeüde ?
Ço'st granz merveile que li mens quors tant duret. 445
90 Filz Alexis, mult o0s dur curage,
Cum avilas tut tun gentil linage !
Set a mei sole vels une feiz parlasses,
Ta lasse medre, si la [re]confortasses,
Ki si'st dolente. Cher fiz, bor i alasses ! 450
91 Filz Alexis, de la tue carn tendra!
A quel dolur deduit as ta juventa !
Pur quem fuis? Jat portai en men ventre,
E Deus le set que tute sui dolente;
Ja mais n'erc lede pur home ne pur femme. 455
92 Ainz quet vedisse, [sin] fui mult desirruse;
Ainz que ned fusses, sin fui mult angussuse;
Quant jo[t] vid ned, sin fui lede e goluse.
Or te vei mort, tute en sui doleruse.
Ço peiset mei que ma fins tant demoret. 460
93 Seinurs de Rome, pur amur Deu, mercit !
Aidiez m'a plaindra le duel de mun ami.
Granz est li dols ki sor mai est vertiz,
Ne puis tant faire que mes quors s'en sazit:
N'est [pas] merveile: n'ai mais filie ne filz. » 465
94 Entre le dol del pedra e de la medre
Vint la pulcele que il out espasede.
'Sire', dist ela, 'cum longa demurede
Ai atendude an la maisun tun pedra,
Ou tum laisas dolente ed eguarede. 470
95 Sire Alexis, tauz jurz t'ai desirrét,
[E tantes lermes pur le tuen cors plurét,]
E tantes feiz pur tei an luinz guardét.
Si revenisses ta spuse conforter,
Pur felunie nient ne pur lastét. 475
96 O kiers amis, de ta juvente bela!
Ço peiset mai que purirat [en] terre.
E ! gentils hom, cum dolente puis estra,
Jo atendeie de te bones noveles,
Mais or les vei si dures e si pesmes ! 480
97 O bele buce, bel vis, bele faiture,
Cum est mudede vostra bela figure !
Plus vos amai que nule creature.
Si grant dolur or m'est apar[e]Ode !
Melz me venist, amis, que morte fusse. 485
98 Se jo[t] soOsse la jus suz lu degrét
Ou as geOd de lung' amfermetêt,
Ja tute gent ne m'en soOst turner
Qu'a tei ansemble n'oilsse conversét:
Si me leDst, si t'oOsse guardét. 490
99 Or sui jo vedve, sire', dist la pulcela,
'Ja mais ledece n'avrai, quar ne pot estra,
Ne ja mais hume n'avrai an tute terre.
Deu servirei, le rei ki tot guvernet:
Il nem faldrat, s'il veit que jo lui serve'. 495
100 Tant i plurat e le pedra e la medra,
E la pulcela, que tuz s'en alasserent.
En tant dementres le saint cors conreerent
Tuit cil seinor e bel l'acustumerent:
Com felix cels ki par feit l'enorerent ! 500
101 'Seignors, que faites?' ço dist li apostolie.
'Que valt cist crit, cist dols ne cesta noise?
Chi chi se doilet, a nostr'os est il goie,
Quar par cestui avrum boen adjutorie;
Si li preiuns que de tuz mals nos tolget'. 505
102 Trestuz le prenent ki pourent avenir;
Cantant enportent le cors saint Alexis,
E tuit li preient que d'els aiet mercit.
N'estot somondre icels ki l'unt oit:
Tuit i acorent, li grant e li petit. 510
103 Si s'en commourent tota la gent de Rome,
Plus tost i vint ki plus tost i pout curre.
Par mi les rues an venent si granz turbes,
Ne reis ne quons n'i poet faire entrarote,
Ne le saint cors ne pourent passer ultra. 515
104 Entr'els an prennent cil seinor a parler:
'Granz est la presse, nus n'i poduns passer.
[Pur] cest saint cors que Deu nus ad donét
Liez est li poples ki tant l'at desirrét.
Tuit i acorent, nuls ne s'en volt turner'. 520
105 Cil an respondent ki l'ampirie bailissent:
'Mercit, seniurs ! nus an querreums mecine.
De noz aveirs feruns granz departies
La main menude, ki l'almosne desiret:
S'il nus funt presse, danc an ermes delivres'. 525
106 De lur tresors prenent l'or e l'argent
Sil funt jeter devant la povre gent:
Par iço quident aver discumbrement;
Mais ne puet estra, cil n'en rovent nient:
A cel saint hume trestut est lur talent. 530
107 Ad une voiz crient la gent menude:
De cest aveir, certes, nus n'avum cure.
Si grant ledece nus est aparte] ude
D'icest saint cors, que avum am bailide;
Par lui avrum, se Deu plaist, bone alude'. 535
108 Unches en Rome nen out si grant ledice
Cum out le jurn as povres ed as riches
Pur cel saint cors qu'il unt en lur bailie:
Ço lur est vis que tengent Deu medisme;
Trestut le pople lodet Deu e graciet. 540
109 Sainz Alexis out bone volentét,
Puroec en est oi cest jurn oneurét.
Le cors an est an Rome la citét,
E l'anema en est enz el paradis Deu:
Bien poet liez estra chi si est aluez. 545
110 Ki ad pechét bien s'en pot recorder,
Par penitence s'en pot tres bien salver.
Briés est cist secles, plus durable atendeiz.
Ço preiums Deu, la sainte trinitêt,
Qu'o Deu ansemble poissum el ciel regner. 550
111 Surz ne avogles ne contraiz ne leprus
Ne muz ne orbs ne nuls palazinus,
Ensur[e] tut ne n[e]uls langerus,
Nuls n'en i at ki n'alget malendus,
Cel n'en n'i at kin report sa dolur. 555
112 N'i vint amferm de nul' amfermetét,
Quant il l'apelet, sempres nen ait sanctét.
Alquant i vunt, aquant se funt porter.
Si veirs miracles lur ad Deus [de]mustrét:
Ki vint plurant, cantant l'en fait raler. 560
113 Cil dui seniur ki l'empirie guvernent,
Quant il i veient les vertuz si apertes,
Il le receivent sil plorent e sil servent:
Alques par pri e le plus par podeste
Vunt en avant, si derumpent la presse. 565
114 Sainz Boneface, que l'um martir apelet,
Aveit an Rome un' eglise mult bele.
Iloec an portent danz Alexis a certes.
Ed attement le posent a la terre.
Feliz le llu ù sun saint cors herberget ! 570
115 La gent de Rome ki tant l'unt desirrét,
Seat jurz le tenent sor terre a podestét.
Grant est la presse, ne l'estuet demander:
De tutes parz l'unt si avirunét,
C'est avis, unches hom n'i poet habiter. 575
116 Al sedme jurn fut faite la herberge
A cel saint cors, a la gemme celeste.
Ensus s'en traient, si alascet la presse:
Voillent o nun, sil laissent metra an terre;
Ço peiset els, mais altre ne puet estra. 580
117 Ad ancensers, ad ories candelabres,
Clers revestuz an albes ed an capes
Metent le cors en un sarqueu de marbre.
Alquant i cantent, li pluisur jetent lermes.
Ja, le lur voil, de lui ne desevrassent. 585
118 D'or e de gemmes fut li sarqueus parez
Pur cel saint cors qu'il i deivent poser.
En terrel metent par vive poëstét.
Pluret li poples de Rome la citét:
Suz ciel n'at home kis puisset atarder. 590
119 Or n'estot dire del pedra e de la medra
E de la spuse cum il s'en doloserent,
Quer tuit en unt lor voiz si atempredes
Que tuit le plainstrent e tuit le regreterent:
Cel jurn i out cent mil lairmes pluredes. 595
120 Desur[e] terre nel pourent mais tenir:
Voilent o non, sil laissent enfodir.
Prenent congét al cors saint Alexis
E si li prelent que d'els ai[e]t mercit:
Al son seignor il lur seit boens plaidiz. 600
121 Vait s'en li pople. Le perë e la medra
E la pulcela unches ne desevrerent;
Ansemble furent, jusqu'a Deu s'en ralerent.
Lur cumpainie fut bone ed honorethe.
Par cel saint cors sunt lur anames salvedes. 605
122 Sainz Alexis est el ciel senz dutance,
Ensembl' ot Deu e la compaignie as angeles,
Od la pulcela dunt se fist si estranges;
Or l'at od sei, ansemble sunt lur anames:
Ne vus sai dirre cum lur ledece est grande. 610
123 Cum bone peine, Deus, e si boen servise
Fist cel saint hom en cesta mortel vide !
Quer or est s'aname de glorie replenithe.
Ço ad ques volt, nient n'en est a dire;
Ensor[e] tut e si veit Deu medisme. 615
124 Las ! malfeuz ! cum esmes avoglez !
Quer ço veduns que tuit sumes desvez.
De noz pechez sumes si ancumbrez,
La dreite vide nus funt tresoblier,
Par cest saint home doussum ralumer. 620
125 Ainns, seignors, cel saint home en memorie'
Si li preluns que de toz mals nos tolget.
En icest siecle nus acat pais e goie,
Ed en cel altra la plus durable glorie !
En ipse verbe sin dimes: Pater noster. 625
Amen.
Back to previous page
Back to Hagiography