39 Danz Alexis entrat en une nef;
Ourent lur vent, laisent curre par mer;
Andreit Tarson espeiret ariver,
Mais ne puet estra, ailurs l'estot aler:
Andreit a Rome les portet li orez. 195
40 A un des porz ki plus est pres de Rome,
Iloec arivet la nef a cel saint home.
Quant vit sun regne, durement s'en redatet
De ses parenz, qued il nel recunuissent
E de l'honur del secle ne l'encumbrent. 200
41 'E Deus ! ', dist il, ' bels reis qui tut guvernes,
Se tei ploust, [i] ci ne volisse estra.
S'or me conuissent mi parent d'icesta terre,
Il me prendrunt par pri ou par poëste;
Se jos an creid, il me trairunt a perdra. 205
42 Mais nepurhuec mun pedre me desirret,
Si fait ma medra plus que femme qui vivet,
Avoc ma spuse que jo lur ai guerpide.
Or ne lairai nem mete an lur bailie;
Nem conuistrunt: tanz jurz ad que nem virent'. 210
43 Eist de la nef e vint andreit a Rome;
Vait par les rues dunt il ja bien fut cointe,
Altra pur altre, mais sun pedre i ancuntret,
Ansembl'ot lui grant masse de ses humes;
Sil reconut, par sun dreit num le numet. 215
44 'Eufem~en, bel sire, riches hom,
Quar me herberges pur Deu an ta maison;
Suz tun degrét me fai un grabatum
Empur tun filz dunt tu as tel dolur;
Tut soi amierm, sim pais pur sue amor'. 220
45 Quant ot li pedre le clamor de sun filz,
Plurent si oil, ne s'en puet astenir:
'Por amor Deu e pur mun cher ami,
Tut te durai, boens hom, quanque m'as quis,
Lit ed ostel e pain e carn e vin'. 225
46 'E Deus ', di st il, ' quer ousse un sergant,
Kil me guardrat, jo l'en fereie franc'.
Un en i out ki sempres vint avant:
'As me,' dist il, 'kil guard pur ton cumand:
Pur tue amur an soferai l'ahan'. 230
47 Dunc le menat andreit suz le degrét:
Fait li sun lit o il pot reposer:
Tut li amanvet, quanque bosuinz li ert:
Contra[1] seinur ne s'en volt mesaler;
Par nule guise ne l'em puet hom blasmer. 235
48 Sovent le virent e le pedre e le medra,
E la pulcele quet il out espusede:
Par nule guise unces ne l'aviserent;
N'il ne lur dist, ne il nel demanderent,
Quels hom esteit ne de quel terre il eret. 240
49 Soventes feiz lur veit grant duel mener
E de lur oilz mult tendrement plurer,
E tut pur lui, unces nient pur eil.
Dauz Alexis le met el consirrer;
Ne l'en est rien, sitst a Deu aturnét. 245
50 Soz le degrét ou il gist sur sa nate,
Iluec paist l'um del relef de la tabla.
A grant poverte deduit sun grant parage;
Ço ne volt il que sa mere le sacet:
Plus aimet Deu que [tres]tut sun linage. 250
51 De la viande ki del herberc li vint,
Tant an retint dunt sun cors an sustin
Se lui'n remaint, sil rent as pov|e]rin'
N'en fait musgode pur sun cors engraisser,
[Mais as plus povres le dunet a manger]. 255
52 En sainte eglise converset volenters;
Cascune feste se fait acomunier;
Sainte escriture ço ert ses conseilers:
Del Deu servise se volt mult esforcer;
Par nule guise ne s'en volt esluiner. 260
53 Suz le degrét ou il gist e converset,
Iloc deduit ledement sa poverte.
Li serf sum pedre, ki la maisnede servent,
Lur lavadures li getent sur la teste:
Ne s'en corucet net il nes en apelet. 265
54 Tuz l'escarnissent, sil tenent pur bricun;
L'egua li getent, si moilent sun liçon;
Ne s'en corucet giens cil saintismes hom,
Ainz priet Deu quet il le lur parduinst
Par sa mercit, quer ne sevent que funt. 270
55 I1oc converset eisi dis e set anz,
Nel reconut nuls sons apartenanz
Ne n[e] als hom ne sout les sons ahanz,
[Fors sul le lit u il ad jeu tant:
Ne puet muer ne seit aparissant.] 275
56 Trent' e quatre auz ad si sun cors penét
Deus sun servise li volt guereduner:
Mult li angreget la sue anfermetét.
Or set il bien qued il s'en deit aler:
Cel son servant ad a sei apelét. 280
57 'Quer mei, bel frere, ed enca e parcamin,
Ed une penne, ço pri, tue mercit'.
Cil li aportet, receit le Alelx]is;
Escrit la cartra tute de sei medisme
Cum s'en alat e cum il s'en revint. 285
58 Tres sei la tint, ne la volt demustrer,
Nelll reconuissent usque il s'en seit alét;
Parfitement s'ad a Deu cumandét.
Sa fin aproismet, ses cors est agravét;
De tut an tut recesset del parler. 290
59 An la sameine qued il s'en dut aler,
Vint une voiz treis feiz en la citét,
Hors del sacrarie, par cumandement Deu,
Ki ses fedeilz li ad tuz amviét:
Prest est la glorie qued il li volt duner. 295
60 En l'altra voiz lur dist altra summunse,
Que l'ume Deu quergent, ki est an Rome,
Si [li] depreient que la citét ne fundet
Ne ne perissent la gent ki enz fregundent:
Ki l'un[t] oid remainent en grant date. 300
61 Sainz Innocenz ert idunc apostolie.
A lui repairent e li rice e li povre,
Si li requerent conseil d'icele chose
Qu'il unt oit, ki mult les desconfortet;
Ne guardent l'ure que terre nes enclodet. 305
62 Li apostolie e li empereor,
Li uns Acharies, li altre Anories out num,
E tut le pople par commune oraisun
Deprelent Deu que conseil lur an duinsltl,
D'icel saint hume par qui il guarirunt. 310
63 Ço li deprient, la sue pietét,
Que lur anseint ol poissent recovrer.
Vint une voiz ki lur ad anditét:
'An la maisun Eulemien quereiz,
Quer iloec est, iloc le trovereiz'. 315
64 Tuz s'en returnent sur dam Eufemien;
Alquanz le prennent forment a blastenger:
'Iceste cose nus dolises nancier,
A tut le pople ki ert clesconseilét;
Tant l'as celét, mult i as grant pechét'. 320
65 11 s'escondit cume cil ki nel set;
Ntais ne l'en creient; al helberc sunt alét.
Il vat avant la maisun aprester;
Forment l'enquerlt] a tuz ses menestrels:
Icil respondent que neIils d'els nel set. 325
66 Li apostolie e li empereur
Sedent es bans [e] pensif e plurus.
Iloc esguardent tuit cil altre seinors,
Si preient Deu que conseil lur an duins[t],
D'icel saint hume par qui il guarirant. 330
67 An tant dementres cum il iloec unt sis,
Deseivret l'aneme del cors sainz Alexis;
Tut dreitement en vait en paradis
A sun seinor qu'il aveit tant servit.
E ! reis celeste, tu nus i fai venir! 335
68 Li boens serganz kil serveit volentiers,
Il le nunçat sum pedre Eufemien;
Suef l'apelet, si li ad conseilét:
'Sire', dist il, 'morz est tes provenders,
E ço sai dire qu'il fut bons cristiens. 340
69 'Mult lungament ai a lui conversét;
De nule cose, certes, nel sai blasmer,
E ço m'est vis que ço est l'ume Deu '
Tut sul s'en est Eufemien turnét,
Vint a sun filz ou gist suz lu degrét. 345
70 Les dras suzlevet dunt il esteit cuvert:
Vit del sain[t] home le vis e cler e bel;
En sum puing tint le cartre le Deu serf,
[Ou ad escrit trestut le son convers.]
Eufemïen volt saveir quet espelt. 350
71 I1 1a volt prendra: cil ne li volt querpir
A l'apostolie revint tuz esmeriz:
'Ore ai trovét ço que tant avums quis:
Suz mun degrét gist uns morz pelerins;
Tent une cartre, mais na li puis tolir'. 355
72 Li apostolie e li empereor
Venent devant, jetent s'an urelsuns,
Metent lur cors en grauz afflictians:
'Mercit, mercit, mercit, saintismes hom!
Net conenmes n'uncor net conuissum. 360
73 'Ci devant tei estunt dui pechethuor,
Par la Deu grace vocét amperedor;
Ço'st sa merci qu'il nus consent l'onor.
De tut cest mund sumes [nus] jugedor.
Del ton conseil sumes tut busuinos. 365
74 ' Cist apostolies deit les anames baillir,
Ço'st ses mesters dunt il ad a servir.
Dune li la cartre, par lla] tue mercit:
Ço nus dirrat qu'enz trov[e]rat escrit,
E ço duinst Deus qu'or en puisum garir ! 370
75 Li apostolie tent sa main a la cartre;
Sainz Alexis la sue li alascet:
Lui le consent ki de Rome esteit pape.
Il ne la list ne il dedenz ne guardet:
Avant la tent ad un boen clerc e savie. 375
76 Li cancelers, cui li mesters an eret,
Cil list le cartre; li altra l'esculterent.
D'icéle gemme qued iloc unt truvede
Le num lur dist del pedre e de la medre,
E ço lur dist de quels parenz il eret. 380
77 E ço lur dist cum s'en fuit par mer,
E cum il fut en Alsis la citét,
E que l'imagine Deus fist pur lui parler,
E pur l'onor dunt nes volt ancumbrer
S'en refuit en Rome la citét. 385
78 Quant ot li pedre ço que dit ad la cartre,
Ad ambes mains derumpt sa blance barbe:
'E ! filz', dist il, 'cum dolerus message !
Jo atendi quet a mei repairasses,
Par Deu merci, que tum reconfortasses'. 390
79 A halte voiz prist li pedra a crïer:
Filz Alexis, quels dols m'est presentét !
Malveise guarde t'ai fait suz mun degrét;
A ! las, pecables, cum par fui avoglét !
Tant l'ai vedud, si nel poi aviser. 395
80 'Filz Alexis, de ta dolenta medra !
Tantes dolurs ad pur tei andurede[s]
E tantes fains e tantes consiredes,
E tantes lermes pur le ton cors pluredes !
Cist dols l'avrat enquoi par acurede. 400
Back to previous page
Next Page