LA VIE DE SAINT ALEXIS

PROLOGUE DE LA VIE DE SAINT ALEXIS

 
Ici cumencet amiable cançun e spiritel raisun d'iceol 
noble barun Eufemien par num, e de la vie de sum 
filz boneürét del quel nus avum oït 
lire e canter; par le divine volentét, 
il desirrables icel sul filz angendrat Aprés 
le naisance ço fut emfes de Deu methime amét, 
e de pere e de mere par grant certét narrit; 
la sue juvente fut honeste e spiritel. 
Par l'amistét del surerain pietét, 
la sue spuse juvene cumandat al spus vif de veritét, 
ki est un sul faitur e regnet an trinitiet 
Icesta istorie est amiable grace e suverain[e] 
consulaciun a cascun memorie spiritel, 
les quels vivent purement sulunc castethét, 
e dignement sei delitent es goies del ciel ed 
es noces virginels.
 

 
C'est seulement dans le ms. L que ce prologue en prose 
précède le poème. 
Il est vraisemblablement l'Ļuvre d'un copiste.
 
 
 
1	Bons fut li secles al tens ancienor, 
	Quer feit i ert e justise ed amur; 
	S'i ert creance, dunt or n'i at nul prut.
	Tut est muez, perdut ad sa colur:
	Ja mais n'iert tel cum fut as anceisurs.			5
 
2	Al tens Noë ed al tens Abraham
	Ed al David, qui Deus par amat tant, 
	Bons fut li secles; ja mais n'ert si vailant.
	Velz est e fraisles, tut s'en vat declinant: 
	S'ist ampairét, tut bien vait remanant.			10
 
3	Puis icel tens que Deus nus vint salver, 
	Nostra anceisur ourent cristïentét, 
	Si fut un sire de Rome la citét;
	Rices hom fud, de grant nobilitét.
	Pur hoc vus di, d'un son filz voil parler			15
 
4	[E]ufemien &emdash; si out a num li pedre &emdash;
	Cons fut de Rome des melz ki dunc i ere[n]t;
	Sur tuz ses pers l'amat li emperere.
	Dunc prist muiler vailante ed honurede
	Des melz gentils de tuta la cuntretha.				20
 
5	Puis converserent ansemble longament:
	N'ourent amfant, peiset lur en forment,
	E Deu apelent andui parfitement:
	« E ! reis celeste, par ton cumandement
	Amfant nus done ki seit a tun talent ! »			25
 
6	Tant li prierent par grant humilitét
	Que la muiler dunat fecunditét:
	Un filz lur dunet, si l'en sourent bon gret.
	De sain[t1 batesma 1'unt fait regenerer;
	Bel num li metent sur la cristïentét.				30
 
7	Fud baptizét, si out num Alexis.
	Ki lui portat, suef le fist nurrir;
	Puis ad escole li bons pedre le mist:
	Tant aprist letres que bien en fut guarnit.
	Puis vait li emfes l'emperethur servir.			35
 
8	Quant veit li pedre que mais n'avrat amfant
	Mais que cel sul que il par amat tant,
	Dunc se purpenset del seclë an avant.
	Or volt que prenget moyler a sun vivant;
	Dunc li acatet filie d'un noble Franc.				40
 
9	Fud la pulcela nethe de halt parentét,
	Fille ad un conpta de Rome la ciptét;
	N'at mais amfant; lui volt mult honurer.
	Ansemble an vunt li dui pedre parler,
	Lur dous amfanz volent faire asembler.			45
 
10	Noment le terme de lur adaisement.
	Quant vint al fare, dunc le funt gentement.
	Danz Alexis l'espuset belament,
	Mais ç'ost tel plait dunt ne volsist nient:
	De tut an tut ad a Deu sun talent.				50
 
11	Quant li jurz passet ed il fut anuitét,
	Ço dist li pedres: 'Filz, quar t'en vas colcer
	Avoc ta spuse, al cumand Deu del ciel'.
	Ne volt li emfes sum pedre corocier;
	Vint en la cambra ou erle]t sa muiler.			55
 
12	Cum veit le lit, esguardat la pulcela;
	Dunc li remembret de sun seinor celeste,
	Que plus ad cher que tut aveir terrestre.
	'E ! Deus ! ' dist il, 'cum fort pecét m'apresset I
	S'or ne m'en fui, mult criem que ne ttem perde'.		60
 
13	Quant an la cambra furent tut sul remés,
	Danz Alexis la prist ad apeler;
	La mortel vithe li prist mult a blasmer,
	De la celeste li mostret veritét;
	Mais lui est tart quet il s'en seit turnét.			65
 
14	'Oz mei, pulcele ! Celui tien ad espus
	Ki nus raens[t] de sun sanc precïus.
	An ices[t] secle nen at parfit' amor;
	La vithe est fraisle, n'i ad durable honur;
	Cesta lettece revert a grant tristur'.				70
 
15	Quant sa raisun li ad tute mustrethe,
	Pois li cumandet les renges de s'espethe
	Ed un anel; a Deu l'ad comandethe.
	Dunc en elssit de la cambre sum pedre;
	Ensur[e] nuit s'en fuit de la contrethe.			75
 
16	Dunc vint errant dreitement a la mer;
	La nef est preste ou il deveit entrer,
	Dunet sum pris, ed euz est aloët.
	Drecent lur sigle, laisent curre par mer;
	La pristrent terre o Deus les volt mener.			80
 
17	Dreit a Lalice &emdash; ço fut citét mult bele
	Iloec arivet sainement la nacele.
	Dunc an eisit danz Alexis a certes.
	Ço ne sai jo cum longes i converset.
	Ou que il seit, de Deu servir ne cesset.			85
 
18	D'iloc alat an Alsis la ciptét
	Pur une imagine dunt il o~t parler,
	Qued angeles firent par cumandement Deu
	El num la virgine ki portat salvetét,
	Sainta Marie ki portat Damnedeu.				90
 
10	Tut sun aver qu'od sei en ad portét,
	Tut le depart par Alsis la citét;
	Larges almosnes, que gens ne l'en remest,
	Dunet as povres, u qu'il les pout trover:
	Pur nul aver ne volt estra ancumbrét.			95
 
20	Quant sun aver lur ad tot departit,
	Entra les povres se sist danz Alexis;
	Reçut l'almosne, quant Deus la li tramist;
	Tant an retint dunt ses cors puet guarir;
	Se lui'n remaint, sil rent as poverins.				100
 
21	Or revendrai al pedra ed a la medra
	Ed a la spuse qued il out espusethe.
	Quant il ço sourent qued il fud si alét,
	Ço fut granz dols quet il unt demenét
	E granz deplainz par tuta la citiét.				105
 
22	Ço dist li pedres: 'Cher filz, cum t'ai perdut I'
	Respont la medre: 'Lasse ! qu'est devenut?'
	Ço dist la spuse: 'Pechèt le m'at tolut.
	E ! chers amis, si pou vus ai oût !
	Or sui si graime que ne puis estra plus'.			110
 
23	Dunc prent li pedre de se[s] meilurs serganz,
	Par multes terres fait querre san amfant;
	Jusque an Alsis en vindrent dui errant:
	Iloc truverent danz Alexis sedant,
	Mais n'a(n) conurent sum vis ne sum semblant.		115
 
24	Si at li emfes sa tendra carn mudede,
	Nel reconurent li dui sergant sum pedre;
	A lui medisme unt l'almosne dunethe;
	Il la receut cume li altre frere.
	Nel reconurent, sempres s'en returnerent.			120
 
25	Nel reconurent ne ne l'unt anterciét.
	Danz Alexis an lothet Deu del ciel
	D'icez sons sers qui il est provenders;
	Il fut lur sire, or est lur almosners;
	Ne vus sai dire cum il s'en firet liez.				125
 
26	Cil s'en repairent a Rome la citét,
	Nuncent al pedre que nel pourent truver.
	Set il fut graim, ne l'estot demander.
	La bone medre s'em prist a dementer
	E sun ker filz suvent a regreter.				130
 
27	'Filz Ale[x]is, pur quei[t] portat ta medre?
	Tu m'ies fu~t, dolente an sui remese.
	Ne sai le leu ne n'en sai la contrede
	U t'alge querre; tute en sui esguarethe.
	Ja mais n'ierc lede, kers filz, ne n'ert tun pedre'.		135
 
28	Vint en la cambre, plaine de marrement,
	Si la despeiret que n'i remest nïent:
	N'i remest palie ne neul ornement.
	A tel tristur aturnat sun talent,
	Unc puis cel di nes contint ledement.				140
 
29	'Cambra', dist ela, ' ja mais n'estras parede,
	Ne ja ledece n'ert an tei demenede'.
	Si l'at destruite cum s'ost l'ait depredethe.
	Sas i fait pendre, curtines deramedes.
	Sa grant honur a grant dol ad turnede.			145
 
30	Del duel s'asist la medre jus a terre;
	Si fist la spuse danz Alexis a certes.
	'Dama', dist ele, 'jo i ai si grant perte,
	Ore vivrai an guise de turtrele;
	Quant n'ai tun filz, ansembl' ot tei voil estra'.		150
 
31	Ço di[t] la medre; 'S'a mei te vols tenir,
	Sit guardarai pur amur Alexis.
	Ja n'avras mal dunt te puisse guarir.
	Plainums ansemble le doel de nostre ami:
	Tu tun seinur, jol f[e|rai pur mun filz'.			155
 
32	Ne poet estra altra, turnent el consirrer;
	Mais la dolur ne pothent ubl~er.
	Danz Alexis en Alsis la citêt
	Sert sun seinur par bone volentét:
	Ses enemis nel poe[i]t anganer.					160
 
33	Dis e seat anz, n'en fut nient a dire,
	Penat sun cors el Damnedeu servise.
	Pur amistét ne d'ami ne d'amie,
	Ne pur honurs ki l'en fussent tramise[s],
	N'en volt turner, tant cum il ad a vivre.			165
 
34	Quant tut sun quor en ad si afermét,
	Que ja, sum voil, n'istrat de la citied,
	Deus fist l'imagine pur sue amur parler
	Al servitor ki serveit a l'alter.
	Ço li cumandet: 'Apele l'ume Deu ! '				170
 
35	Ço dist l'imagena: 'Fai l'ume Deu venir,
	Quar il ad Deu bien ed a gret servit,
	Ed il est dignes d'entrer en paradis'.
	Cil vait, sil quert, mais il nel set coisir,
	Icel saint home de cui l'imagene dist.				175
 
36	Revint li costre a l'imagine el muster.
	'Certes', dist il, 'ne sai cui antercier'.
	Respont l'imagine; 'Ço'st cil qui tres l'us set,
	Pres est de Deu e des regnes del ciel;
	Par nule guise ne s'en volt esluiner'.				180
 
37	Cil vait, sil quert, fait l'el muster venir.
	Est vus l'esample par trestut le païs,
	Que cele imagine parlat pur Alexis.
	Trestuit l'onurent, li grant e li petit,
	E tuit le prient que d'els aile]t mercit.			185
 
38	Quant il ço veit quel volent onurer:
	'Certes', dist il, 'n'i ai mais ad ester,
	D'icest' honur nem revoil ancumbrer'.
	Ensur[e] nuit s'en fuit de la ciptét:
	Dreit a Lalice revint li sons edrers.				190

Back to Hagiography